Rrezikimi i demokracisë, kapja e mediave, kufizimi i lirisë së medias dhe kontrolli i tepërt i qeverisë janë të gjitha pasojat e pandemisë COVID-19 në Evropën Juglindore.
Sipas një diskutimi në panel të organizuar nga Fondacioni gjerman Konrad Adenauer dhe Studimi i Demokracisë në Bullgari, hapësira për një media të lirë po zvogëlohet me shpejtësi në rajon, përfshirë Shqipërinë.
Zef Preci, Drejtor Ekzekutiv i Qendrës Shqiptare për Kërkimin Ekonomik tha se media shqiptare po përballet me sfida për shkak të monopolit të informacionit në lidhje me pandeminë. Kjo e kombinuar me një nivel të ulët të transparencës, vetë-censurimi i medias dhe vështirësitë ekonomike, po përkeqësojnë ndjeshëm situatën.
Ai shtoi: “Paketa anti-shpifje u miratua nga Parlamenti edhe pse të gjitha institucionet ndërkombëtare shprehën shqetësime për të, pasi i jep qeverisë autorizimin për të ndërhyrë në mediat online, për shembull duke bllokuar një faqe në internet.”
Në kohën e pandemisë së COVID-19, media nuk është në gjendje të monitorojë ose verifikojë informacionin e dhënë nga qeveria në lidhje me pandeminë. Kjo ka rezultuar në një situatë ku media kufizohet në sqarimin e informacionit sesa në sigurimin e lajmeve të reja, tha ai.
