Kryetari i Partisë Demokratike Lulzim Basha vuri re sot krizën e thellë të bizneseve në Elbasan. Bizneset u ankuan se xhiro ka rënë këto tre vitet e fundit.
Zoti Basha tha se vetëm kur të çlirohet ekonomia, dhe lekët të mos përfundojnë në duart e pesë oligarkëve, do të rritet konsumi, dhe xhiro e bizneseve të vogla.
“Duhet ndryshuar gjithēka me themel, duhet nxituar konsumi, duhet rritur punësimi. Të bashkohemi të gjithë me votë do ta heqim”, – u shpreh Zoti Basha.
Në një kohë kur kriza është në kulmin e saj për shkak edhe të pandemisë, bashkia e Elbasanit u kërkon një më një taksat që nga qeveria u lajmëruan me bujë si të falura. “Na tha që nuk keni taksa, e mbas para një jave na e prunë ata të bashkisë letrën të të gjitha taksave”.
Kryetari i PD-së, gjithashtu tha se e vetmja mënyrë për të hequr kryeministrin Edi Rama është me votë.
