Policia lajmëron qytetarët të mos grumbullohen në mënyrë masive në ceremonitë festive dhe mortore, në lokale, në qendra tregtare, restorante.
Qytetarët nuk duhet të pranojnë të shërbehen nga kamarierë ose shitësa pa doreza dhe maska.Gjithashtu, ata duhet të shmangin grumbullimet masive në ambiente publike.
Policia do të kontrollojë në mënyrë të vazhdueshme të gjithë personat e vetëkarantinuar, të infektuar me Covid-19, dhe cilido që thyen karantinimin do të dënohet sipas ligjit.
Për kujtesë, vendi ndodhet në fazën e tretë të hapjes, ku ndalohen grumbullimet masive të më shumë se 100 personave në mjedise të caktuara, sidomos të mbyllura dhe ku duhet te ruhet distanca 2 metra.
