A i ka PS votat për të miratuar ndryshimet e Kodit Zgjedhor?

Nga Exit News
A i ka PS votat për të miratuar ndryshimet e Kodit Zgjedhor?

Kuvendi po diskuton sot, 5 tetor, ndryshimet e Kodit Zgjedhor propozuar nga shumica socialite, të cilat ndër të tjera heqin koalicionet parazgjedhore sipas formulës së deritanishme.

Për miratimin e tyre nevojiten 84 vota pro.

A i ka votat Partia Socialiste për t’i miratuar ndryshimet?

Në grupin parlamentar të Partisë Socialiste ka 75 deputetë. PS-së i duhet të paktën 9 vota të tjera për të miratuar ndryshimet.

Në përbërjen e parlamentit aktual, kjo nuk duket e pamundur. Vlen të kujtohet se në seancën e 30 korrikut, kur u miratuan ndryshimet kushteuese, propozimet e PS-së morën 106 vota nga 116 deputetë të pranishëm në sallë.

Një sërë deputetësh si Reme Lala e Tom Doshi megjithëse nuk janë pjesë e grupit parlamentar të PS-së, kanë votuar gjithnjë pro nizmeve ligjore të shumicës socialiste.

Pritet që pro ndryshimeve të votojnë dhe një pjesë e deputetëve të opozitës parlamentare të cilët kanë shprehur mbështetjen për ndryshimet e Kodit Zgjedhor.

Votat kundër ndryshimeve të Kodit Zgjedhor

Ndërkohë janë tre deputetë, Rudina Hajdari, Ralf Gjoni dhe Andi Permeti, të cilët votuan kundër këtyre ndryshimeve në mbledhjen e Komisionit të Ligjeve.

Edhe deputeti Lefter Maliqi ka shprehur hapur votën kundër ndryshimeve të Kodit Zgjedhor.

Në votimin e ndryshimeve kushtetuese të 30 korrikut 10 deputetë të opozitës votuan kundër: Adriatik Alimadhi, Fatjona Dhimitri, Gjetan Gjetani, Kujtim Gjuzi, Elda Hoti, Lefter Maliqi, Erion Piciri, Artur Roshi, Zef Shtjefni, Suzana Topi.

LEXO  Drejtori i spitalit në Elbasan përgënjeshtron PD-në: Nuk ka staf të infektuar

Me shumë gjasa të njëjtët deputetë do të votojnë sërish kundër.

Por a janë këto vota kundër mjaftueshëm për të ndalur miratimin e Kodit Zgjedhor?

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>