Policia e Korçës ka arrestuar të mërkurën tre persona, të cilët po transportonin drejt Tiranës 6 emigrantë të paligjshëm.
Në këmbim të transportit deri në Tiranë, më pas drejt Shkodrës për të kaluar kufirin, ata i merrnin secilit emigrant 900 euro.
Destinacioni final i emigrantëve janë vendet e BE-së.
Sipas arrestimeve të policisë, mesa duket rruga Korçë-Tiranë-Shkodër është rruga kryesore e përdorura nga trafikantët, kohët e fundit. Ndonjëherë, dalja bëhet edhe nga Kukësi për në Kosovë dhe nga andej në Mal të Zi.
Pak ditë më parë, zëvendësministrja e Brendshme Rovena Voda njoftoi se po punohet për të ashpërshuar dënimet nga atyre që merren me transportimin e emigrantëve ilegalë dhe do të lehtësojë procedurat për identifikimin e atyre emigrantëve që mund të marrin statusin e azilantit në Shqipëri.
