ATM padi ndaj Lleshajt, Veliajt e Veliut: Shembën teatrin me njerëz brenda

Nga Exit News
ATM padi ndaj Lleshajt, Veliajt e Veliut: Shembën teatrin me njerëz brenda

Disa anëtarë të Aleancës për Mbrojtjen e Teatrit kanë paditur sot në SPAK ministrin Lleshaj, kryebashkiakun Veliaj dhe drejtorin e Policisë Ardi Veliu, për ‘vrasje të mbetur në tentativë’ mëngjesin e 17 majit.

Ata akuzojnë Lleshajn, Veliaj dhe Veliun se kanë nisur shembjen e Teatrit Kombëtar dhe atij Eksperimental teksa brenda ka pasur ende qytetarë, duke vënë në rrezik jetën e tyre.

Më herët SPAK ka pranuar dy paditë e Aleancës për Mbrojtjen e Teatrit: një për kryebashkiakun Veliaj dhe një të dytë për inxhinierët të Institutit të Ndërtimit që firmosën vendimin për shembjen e teatrit. SPAK nisi hetimet në 21 maj.

Prokurori i çështjes është ngarkuar Ervin Kondilli, i cili ka sekuestruar dokumentet nga Bashkia Tiranë për procedurën e ndjekur për shembjen e godinës së Teatrit Kombëtar dhe Teatrit Eksperimental “Kujtim Spahivogli”.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>