“Unë vetë di raste të të njohurve të mi ku ka pasur fatkeqësisht edhe ndarje nga jeta për shkak të covidit, ose infeksioneve të lidhura me covid, të cilët nuk figurojnë të deklaruar. Ajo që kemi përpara nuk është përmasa e vërtetë”, tha Kryetari i PD-së Lulzim Basha në një intervistë për gazetaren Ilva Tare në Euronews.
Zoti Basha u shpreh se duhet një bashkëpunim midis pushtetit vendor dhe atij qendror. Ai i kërkoi qeverisë të jetë transparente dhe të njoftojë publikun për numrin e saktë të të infektuarve dhe të testimeve.
