Basha dënon sulmet e Ramës ndaj BE-së: I dështuari je ti

Nga Exit News
Basha dënon sulmet e Ramës ndaj BE-së: I dështuari je ti

Kreu i PD-së, Lulzim Basha e quajti ‘tentativë të dështuar për të mbuluar dështimin e tij’, sulmin e Ramës ndaj Bashkimit Europian për vaksinat anti-Covid.

Përmes një postimi në Facebook, Basha tha se ‘nuk është faji i BE-së që Rama është një dështim në çdo gjë’.

Duke shpërndarë reagimin e ambasadës franceze në lidhje me sulmet e Ramës, Basha shkroi se vendi i është përjetë mirënjohës BE-së për mbështetjen që i ka dhënë Shqipërisë në momente të vështira për vendin.

Ai premtoi se me ardhjen në pushtet të opozitës në 25 prill, vendi do të orientohet drejt Europës:

“25 prilli do të jetë ditë e ndarjes nga e keqja dhe e orientimit europian të Shqipërisë.”

Kryeministri Edi Rama ka sulmuar vazhdimisht BE-së duke e akuzuar se ka lënë në baltë vendet e Ballkanit Perëndimor për furnizimin me vaksina anti-Covid.

Dy ditë më parë në emisionin Open, Rama e konsideroi “moralisht e pa justifikueshëm” vendimin e BE për shpërndarjen e vaksinave vetëm brenda BE-së.

Ambasada Franceze reagoi të shtunën, duke hedhur poshtë deklaratat e Ramës dhe duke kujtuar se BE-ja është një ndër donatorët më të mëdhenj të Shqipërisë.

Adresa juaj e emailit nuk do bëhet publike.

Lajme te ngjashme