Basha flet si qytetar—mbështet tubimin e Presidentit, shmang thirrjen direkte për demokratët të marrin pjesë

Nga Exit News
Basha flet si qytetar—mbështet tubimin e Presidentit, shmang thirrjen direkte për demokratët të marrin pjesë Lulzim Basha

Kryedemokrati Basha ka argumentuar sot, përmes një statusi në Facebook, domosdoshmërinë që çdo qyetar shqiptar të veprojë në mbrojtje të Kushtetutës, veçanërisht kundër kapjes së Gjykatës Kushtetuese.

“Si qytetarë,” ka pohuar Basha “nuk mund të mbyllim sytë kur shteti ligjor merret peng, kur institucionet shkatërrohen, dhe demokracia është në rrezik.”

Bazuar në këtë argumentim, Basha ka deklaruar:

“Prandaj, unë e mbështes tubimin e thirrur nga Presidenti për Kushtetutën!”

Basha është mjaftuar me këtë referim ndaj detyrimit moral të çdo qytetari, por nuk u ka bërë thirrje direkte demokratëve, si kryetar partie, që ata të dalin në protestën kundër qeverisë. Basha, gjithashtu, nuk ka lënë të nënkuptohet nëse do të marrë pjesë vetë në tubim.

Pjesa më e madhe e mesazhit të Bashës ka vazhduar me ritheksimin e qendrimeve të tij dhe të opozitës për gjendjen politike. Për zgjidhje e krizës, ai ka pohuar, duke e theksuar me germa kapitale, se ka vetëm një zgjedhje: përfundimi në kohë i refomës zgjedhore dhe mbajtja menjëherë e zgjedhjeve të lira dhe të ndershme.

Është e paqartë nëse Basha ka nënkuptuar mbajtjen menjëher të zgjedhje të parakohshme parlamentare, apo përsëritjen e pritshme të zgjedhjeve lokale në mbi 5 bashki, të cilat kanë mbetur pa kryetar.

Disa javë më parë, përfaqësues demokratë pohuan në publik se pas miratimit të reformës zgjedhore, siç kërkojnë kushtet e Bundestagut gjerman, ajo duhet të provohet duke u zbatuar në zgjedhjet lokale.

Në fakt, mbajtja e zgjedhjeve të pjesësshme lokale duket se do të jetë kompromisi i palëve për t’i paraprirë zgjedhjeve të përgjithshme që, nëse nuk ndryshojnë gjërat, do të mbahen në qershor 2021.

2 komente

  1. t 23 Shkurt, 2020 në 7:50 pm

    Po te jete per bashen nuk i shkon me njeri ne proteste se boll i ka mashtruar.edhe metes nuk ja vlen ti shkosh mbrapa se ka mekatet e tija,nje nga te cilat eshte pikerisht qe ka mbeshtetur kete pervers person qe na e bene kryetar partie,pastaj bashkie e pastaj km.por ne keto momente meta ka shume te drejte prandaj duhet mbeshtetur.mire do ishte qe kete inisiative ta merrte ndonje person tjeter apo grup personash te pa perlyer me pushtetin e sotem e te djeshem.

  2. emigrant 24 Shkurt, 2020 në 12:21 pm

    Po kush po të thotë ore vëlla që ti shkosh pas Bashës, Metës e aq më keq Ramës ?
    Shkoi pas hallit tënd si qytetar.
    Çfarë sigurie kanë shqiptarët nëse të gjitha institucionet e shtetit kapen nga vetëm një njeri, kryeministri aktual ?
    Sa i takon “mashtrimit” të Bashës, kjo është një propogandë e përhapur nga mediat proqeveritare.
    Asnjë ndryshim nuk ka në kërkesat e opozitës të drejtuar nga Basha, përsa i përket zgjidhjes së krizës politike.
    Edhe nëse opozita paskej ndërmend, (siç aludohet në këtë shkrim) që të pranojë vetëm përsëritjen e zgjedhjeve lokale, ajo e ka deklaruar edhe me përfaqësuesit e saj në marëveshjen për reformën zgjedhore, se nuk heq dorë që çfardo zgjedhje që do të bëhet në Shqipëri, si kusht të panegociushëm ka largimin e Ramës si krryeministër, ndëshkimin e abuzuesve të votave, dhe krijimin e një qeverie kalimtare teknike para çdo zgjedhje, deri në pranimin e Shqipërisë në BE
    E gjithë e keqja na qenka se pse opozita i ndërpreu protestat, pas publikimit të 9 kushteve që vuri Bundestagu gjerman, për fillimin e negociatave të integrimit europian e më pas pas tërmetit të 26 nëntorit.
    Faktikisht 9 kushtet e parlamentit gjerman, përkojnë krejtësisht me kërkesat e opozitës e nëse ajo plotësoi kushtin që i ishte vënë, për të marë pjesë në përpilimin e vendimeve për reformën zgjedhore, nëse nuk do ta pranonte këtë kusht e do të vazhdonte protestat, do të humbiste mbështetjen e grupimit partiak europian, pjesë e të cilit është Partia demokratike.
    8 Kushtet e tjera Bundestagu gjerman, kjartazi ja ka vënë mazhorancës për ti plotësuar e nëse Basha pranoi që kërkesat për zgjedhje të regullta e të pamanipuluara ti parashtrojë në rrugë institucionale, Rama deri tani jo vetëm që nuk ka lëvizur nga istikami i tij, por i ka shtuar zullumet e veprimeve antikushtetuese.
    Në vazhdim të kësaj situate, cilido të cilit i punon llogjika normale, e kupton se nëse opozita do tju ktheheshte përsëri protestave në gjendjen emergjente të pas tërmetit, këto protesta jo vetëm do të dështonin, por do të ktheheshin në kahje të kundërt ndaj opozitës.
    Jo vetëm nga të dëmtuarit direkt nga tërmeti, por edhe nga opinioni i përgjithshëm publik, organizimi i protestave në këtë situatë, do të komentohej me fjalët, shqiptarët nuk kanë ku të fusin kokën në mes të dimrit e opozita kërkon të bëjë “politikë”.
    Data 15 mars ku mendohet që ti jepet fund reformës zgjedhore, nuk është e largët, e opozita ndonëse nuk deklaron se do të jetë në krye të manifestimit të thirrur nga presidenti, pasi është në proçesin e marëveshjes, nëpërmjet liderit të saj, i mbështet kërkesat e presidentit për alarmin që jep ai për kapjen e Kushtetutës, e që në të njejtën kohë është një nga kërkesat kryesore të opozitës e Bundestagut gjerman.
    Nërkaq, opozita e ka deklaruar publikisht se nëse kërkesat e saj në këtë marveshje, nuk do të meren parasysh përsëri nga Rama, ajo do ti rikthehet protestave popullore.
    Ndërkaq mbrenda kësaj kohe, kam bindjen se Komisioni i Venecias do të ketë sjellë raportin e tij , ku padyshim do të hidhen poshtë marrëzitë e Ramës për të emëruar gjykatës kushtetues , me betim të kandidatëve me noterë apo me shkrim.

Adresa juaj e emailit nuk do bëhet publike.

Lajme te ngjashme