Kryetari i PD-së Lulzim Basha u shpreh se Rama sulmon atë dhe familjen e tij sepse nuk sulmon dot planet e PD-së.
“Rama dhe njerëzit e tij po më sulmojmë mua dhe familjen time personalisht, sepse ata nuk kanë asgjë për të thënë për planet serioze të punës që kam prezantuar”, u shpreh Basha në një intervistë për gazetën Panorama.
Ai tha se PD do të fitojë pavarësisht ndryshimit të njëanshëm të kodit zgjedhor të kryer nga Rama:
“Rama ka frikë nga humbja dhe shpresoi më kot që ndryshimi i Kodit Zgjedhor do t’i lehtësojë pasojat për të. Por është e kotë: ndryshimin nuk e ndal dot askush”.
Basha vlerësoi edhe procesin e përzgjedhjes së kandiatëve për deputet të PD-së, si “të paprecedentë në historinë e Shqipërisë dhe të rajonit në përzgjedhjen e tyre”.
Kryetari i PD-së premtoi se drejtësia e re pas 25 prillit do të veprojë “ndaj kujtdo që shkel ligjin”.
