Kryetari i PD-së Lulzim Basha i bëri thirrje qytetarëve të Malit të Zi të votojnë listën shqiptare më 30 gusht.
“Nëpërmjet votës tuaj për partitë shqiptare, ju mund të siguroni mbrojtjen e të drejtave dhe interesave tuaja dhe të garantoni një të ardhme më të mirë për fëmijët tuaj”, shkroi Basha në një postim në Facebook, të mërkurën.
Ai tha se “forcimi i partive shqiptare në parlament, është një kontribut i shtuar për garantimin e të drejtave të shqiptarëve në Mal të Zi”.
