Kreu i Partisë Demokratike, Lulzim Basha ka postuar një foto tregohet se 53,2% e shqiptarëve mendojnë se Basha duhet të jetë kryeministri i vendit.
Ai ka shkruar të martën se Rama do të humb në zgjedhjet e 25 Prillit dhe “do të fitojë Shqipëria”.
Sipas një sondazhi të zhvilluar nga kompania “Flame Tree Advisors”, 66% e shqiptarëve mendojnë se eliminimi i korrupsionit është i rëndësishëm për ta sjellë Shqipërinë në rrugën e duhur.
Të pyetur se pse Shqipëria është ende një vend i prapambetur, 51% e të intervistuarve fajësuan qeverinë e udhëhequr nga kryeministri Edi Rama. Ndërsa 21 % e të intevistuarve mendojnë se në nivelin e korrupsionit ndikon fakti që Shqipëria nuk është pjesë e BE.
Sondazhi tregoi se sipas shqiptarëve mënyrat për të ndryshuar vendin janë:
- Ardhja e të rinjve të larguar nga vendi: 72% mendojnë se është shumë e rëndësishme.
- Një plan ekonomik i përqendruar në uljen e papunësisë: 66,6% mendojnë se është shumë e rëndësishme.
- Një plan ekonomik i përqendruar në uljen e kostove të jetesës: 71,5% mendojnë se është shumë i rëndësishëm.
- Basha duhet zgjedhur kryeministër: 47% mendojnë se është shumë e rëndësishme.
- Rama nuk duhet zgjedhur në një mandat të tretë: 45% mendojnë se është shumë e rëndësishme.
Ndërsa 52,8% e të intervistuarve e vlerësuan “dobët” punën e Ramës si kryeministër; 14,6% e vlerësuan “shkëlqyeshëm”; 10,5% u përgjigjën “as mirë as keq”; 22,1% e vlerësuan “mirë”.
Të pyetur nëse pas dy mandatesh ka ardhur koha që Rama të zëvendësohet, 65,2% mendojnë se ka ardhur koha për ndryshim; 20,7% u shprehën të kënaqur nga puna e Ramës si kryeministër dhe 14% mendojnë se nuk ka alternativa zëvendësuese në vend.
