Lulzim Basha ka votuar në zgjedhjet për kryetar të Partisë Demokratike ku ai kandidon përballë Fatbardh Kadillit, Edith Harxhit dhe Agron Shehajt.
Basha vlerësoi zgjedhjet në PD si “proces unik” që sipas tij përfaqësojnë vlerat e demokracisë brenda saj.
“Këto janë vlerat tona, janë vlerat e shprehjes së lirë, janë vlerat e konkurencës dhe vlerat e debatit. Me këto vlera e kemi nisur betejën për ndryshimin për Shqipërinë. Me këto vlera do ta çojmë deri në fund përmbysjen e regjimit Rama-Doshi”, tha Basha.
Prej orës 08:00, në 76 qendra votimi në të gjithë vendin ka nisur procesi i votimit për kryetar në PD.
