Bashkimi Evropian i ka bëri thirrje Bjellorusisë të lirojë nga burgu 600 protestuesit e arrestuar dhe të tregojë vendndodhjen e anëtares së opozitës Maria Kolesnikova, të rrëmbyer të dielën nga persona të panjohur.
Në Minsk prej 4 javësh po mbahen protesta të mëdha kundër regjimit të Lukashenkos.
Ministria e Brendshme bjelloruse deklaroi se ka arrestuar 633 protestues të dielën, për grumbullime të paligjshme.
BE ndërkohë ka kërcënuar Bjellorusinë se do të vendosë sanksione, nëse nuk jep përgjigje për vjedhjen e zgjedhjeve dhe dhunën ndaj protestuesve dhe opozitës.
“BE do të vendosë sanksione për personat përgjegjës për dhunën, dhe fallsifikimin e rezultateve të zgjedhjeve”, tha në një deklaratë për shtyp kryediplomati i BE-së Josep Borrell.
Deri më tani, 2 anëtarë të opozitës bjelloruse janë larguar nga vendi dhe një tjetër është rrëmbyer, të dielën.
