Ekonomia e vendeve të BE-së ka rënë me 12.1 përqind në tremujorin e dytë të 2020, ndërsa Prodhimi i Brendshëm Bruto (PBB) ka rënë me 11.9 përqind, raporton Politico.eu sipas të dhënave ët agjensisë evropiane të statistikave, Eurostat. “Kjo është rënia më e fortë që prej vitit 1995”, shkruhet në raportin e Eurostat.
Ndër vendet e BE-së, Spanja ka rënien më të thellë me 18.5 përqind, e ndjekur nga Portugalia me rënien prej 14.1 përqind dhe Franca me rënien prej 13.8 përqind. Ndërsa Lituania shënoi rënien më të ulët me 5.1 përqind.
Italia raportoi një ulej me 12.4 përqind, ndërsa Gjermania një rënie prej 10.1 përqind.
Në krahasim me të njëjtën periudhë të vitit 2019, PBB ka rënë me 15 përqind. Megjithatë, Eurostat shprehet se do të bëjnë rifreskim të të dhënave duke reflektuar masat e marra nga vendet e BE-së kundër koronavirusit.
