Brexit – Gjykata Supreme vendos: Parlamenti do të votojë për daljen nga BE

Brexit – Gjykata Supreme vendos: Parlamenti do të votojë për daljen nga BE

Gjykata Supreme angleze ka rrëzuar apelimin e kryeministres Theresa May dhe ka theksuar sërish se do të jetë parlamenti britanik ai që do të vendosë nëse qeveria mund të fillojë procesin e daljes së Mbretërisë së Bashkuar nga BE, njohur ndryshe si Brexit. Vendimin e mori Gjykata Supreme paraditen e sotme.

Vendimi duket se e shtyn planin e Kryeministres May për të nisur zbatimin e Nenit 50 të Traktatit të Lizbonës – mekanizmi ligjor që fillon procesin e largimit nga BE – deri në fund të marsit.

Gjithsesi Gjykata u shpreh se qeveria britanike nuk ka nevojë për miratimin e parlamentit të Skocisë, Irlandës së Veriut dhe Uellsit për nisur procesin e negociatave me BE-në.

Një zëdhënës për shtyp i qeverisë deklaroi se gjithsesi ky vendim nuk do të ndryshojë afatet e Brexit.

“Britanikët votuan për tu larguar nga Bashkimi Evropian dhe qeveria do të plotësojë verdiktin e tyre”, u shpreh ai.

Referendumi i 23 qershorit, ku britanikët votuan pro daljes nga Bashkimi Evropian, shënon një datë të rëndësishme jo vetëm për Mbretërinë e Bashkuar, por për gjithë Evropën.

Në politikën e brendshme, pas Brexit, ndodhën ndryshime të mëdha. Liderët e vendit, përfshirë dhe ish-Kryeministrin Cameron, dhanë dorëheqjen.

Ndërsa  për efektet në ekonominë, si britanike ashtu dhe atë evropiane, ka pasur diskutime të shumta, por ende pritet nisja e negociatave për të parë termat me të cilën britanikët do të shkëputen nga BE.

LEXO  Prej 1 korrikut, të vaksinuarit kundër COVID-19 në BE do udhëtojnë pa kufizime

Lajme te ngjashme