155 persona u arrestuan të shtunën nga policia britanike për protestën kundër vendosjes së karantinës për ndalimin e përhapjes së koronavirusit, sipas Associated Press.
Protestuesit, shumë prejt të cilëve nuk mbanin maska, marshuan në Londër, duke thirrur “Liri” dhe duke mbajtur pankarta me shënimin “ jo më karantinë”.
Britania miratoi një system të ri të bllokimit të vendit bazuar në numrat e të infektuarve. Këto masa sipas kryeministrit britanik Boris Johnson do të përfundojnë më 2 dhjetor.
Pjesa më e madhe e vendit, përfshirë Londrën ndodhet nën masa të rrepta të izolimit, si ndalimi i grumbullimeve familjare, apo mbyllja e bareve dhe e restoranteve.
Britania shënoi 15,871 raste të reja me koronavirus të shtunën, rreth një mijë raste më pak se sa të premten.
