Gjykata e Tiranës dënoi në mungesë me 10 burg dy shtetas norvegjëz për pastrimin e 600 mijë euro para të krijuara përmes mashtrimit në Shqipëri.
Skema e pastrimit të parave nga dy shtetasit norvegjez u zbulua nga Prokuroria e Tiranës më 2018, pas transfertave të dyshmita nga Filipinet në Shqipëri.
Ove Johanson dhe Joo Borgen Nilsen kishin krijuar kompani fantazëm për kalimin e parave në vend.
Johanson, ish drejtor i Norvegjisë Invest dhe themelues i fushatës ‘Mos investo në Kosovë’, u ekstradua në 2009 nga Mali i Zi për në Kosovë për t’u përballur me akuzat për mashtrim në lidhje me një marrëveshje me firmën publike PTK, Posta dhe Telekomunikacioni i Kosovës.
Rasti lidhej me një kontratë të nënshkruar në vitin 2003 midis Norvegjisë Invest dhe PTK -së për të instaluar shtylla telefonike për shërbimet e urgjencës dhe ushtrinë në Kosovë. Marrëveshja u shfuqizua më vonë pas një hetimi korrupsioni nga UNMIK -u.
Johansen u arrestua në Malin e Zi në vitin 2007 pas lëshimit të një urdhri të Interpolit, por nuk u ekstradua.
Sipas dokumenteve të paraqitura në Gjykatën Supreme të Kosovës, Johansen dhe Sorensen janë midis 31 investitorëve në Norëay Invest që kërkojnë 5.5 milionë euro dëme nga tre organe – PTK, Agjencia Kosovare e Mirëbesimit, AKM dhe pasardhësi i saj, Agjencia Kosovare e Privatizimit, AKP – për rënia e kontratës së direkit të telefonit dhe humbja e të ardhurave.
