Donika Prela kërkon përjashtimin e Ramës dhe Mulajt nga trupa e Kolegjit të Apelimit

Nga Exit News
Donika Prela kërkon përjashtimin e Ramës dhe Mulajt nga trupa e Kolegjit të Apelimit

Prokurorja e Tiranës Donika Prela ka kërkuar përjashtimin e Ina Ramës dhe Natasha Mulajt nga trupa që po e gjykon në Kolegjin e Posaçëm të Apelimit, pasi mund ta paragjykojnë Prelën gjatë gjykimit.

Shkak për këtë kërkesë është bërë një hetim që Preka ka bërë për mbesën e Ramës, sekretare në Gjykatën e Durrësit dhe hetimet për vëllezërit e Mulajt.

Prela u konfirmua në detyrë nga shkalla e parë e vetingut, në një nga vendimet më të debatueshme të KPK-së.

Sikurse doli gjatë hetimit të vetingut, Donika Prela ka kryer, me shumë gjasa, evazion fiskal, duke mos paguar taksa për të ardhurat, ka kryer transaksione të dyshimta financiare, me gjasa të paligjshme, duke marrë disa herë hua pa kontratë, me para në dorë dhe nga njerëz që nuk i justifikojnë paratë, ka blerë dy apartamente nën çmimin e tregut dhe i ka shitur me fitim, për të cilin nuk ka paguar asnjëherë taksa.

Në prill 2019, Komisioneri Publik, Florian Ballhysa i kërkoi Kolegjit të Posaçëm të Apelimit shkarkimin e saj. Sipas apelimit, Prela nuk arrin nivel të besueshëm kryesisht në kriterin e pasurisë.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>