Pesë gjyqtarë dhe një prokuror kanë dhënë dorëheqjen dhe nuk kanë pranuar të dorëzojnë në ILKDPKI formularin e deklarimit të pasurisë. Dje ishte afati i fundit për dorëzimin e formularëve, bazuar në ligjin e vetingut.
Nga ILKDPKI bëhet e ditur se nga 800 gjyqtarësh e prokurorësh në vend, 794 prej tyre kanë dorëzuar formularët dhe do t’i nënshtrohen si fillim kontrollit formal nga ILKDPKI-ja e më pas nga Komisioni I Vetingut. Ky I fundit është institucion që nuk është krijuar ende.
Pesë gjyqtarët e dorëhequr janë:
Mirela Fana – gjyqtare e Gjykatës së Lartë dhe anëtare e KED-së
Vladimir Kristo – anëtar i Gjykatës Kushtetuese dhe anëtar i KED-së
Ilir Çeliku – gjyqtar i Vlorës
Ilir Pashaj – gjyqtar i Elbasanit
Drita Veliaj – gjyqtare e Kukësit
Prokurori i dorëhequr është Sulejman Tola, prokuror i Krujës. Zoti Tola ka deklaruar se nuk ka bërë deklarimin e pasurisë pasi del në pension në muajin shkurt.
