FMN parashikon një renie edhe më të shpejtë se sa parashikimet

Nga Exit News
FMN parashikon një renie edhe më të shpejtë se sa parashikimet

Fondi Monetar Ndërkombëtar (FMN)parashikon një rënie ekonomike edhe më të shpejtë sesa parashikimet e mëparshme gjatë pandemisë.

Në ndryshim nga rënia e 3% e parashikuar në prill, FMN tani parashikon një rënie prej 4.9% në ekonominë globale, duke parashikuar një recesion edhe më të thellë. Siç duket nga ndryshimi në parashikimet e tyre, FMN pranon se një pasiguri e lartë shoqëron këto shifra.

Recesioni pritet të godasë si ekonomitë e përparuara (-8%) ashtu edhe ato në zhvillim (-3%), dhe vendet që varen nga turizmit do t’i duhet më shumë kohë për të rimarrë veten.

Shtetet e Bashkuara do të shohin një rënie prej 8%, ndërsa BE dhe Mbretëria e Bashkuar pritet të përballen me një rënie prej 10.2% në ekonomitë e tyre, rënia më e madhe nga të gjitha vendet e përparuara. Brenda BE-së, Italia dhe Spanja pritet të goditen më rëndë, me një rënie prej 12.8%.

Nga ekonomitë në zhvillim, Meksika pritet të goditet më rëndë, me një rënie prej 10.5% në ekonominë e saj. Ndërkohë, ekonomitë evropiane në zhvillim parashikohet të kenë një rënie mesatare prej 5.8%. Në prill, FMN parashikoi që ekonomia shqiptare do të bie me 5% në vitin 2020.

Kuptohet që borxhi publik do të arrijë nivelet më të larta në në raport me PBB-në.

Ndërsa masat e ndihmës financiare globale kanë ndihmuar në përballimin e efekteve të pandemisë në ekonomi, FMN rekomandon vazhdimin e masave të tilla dhe zgjerimin e tyre, dhe bashkësia ndërkombëtare të sigurojë mbështetje për vendet në zhvillim përmes financimit dhe lehtësimin e borxhit dhe grante.

Në anën tjetër, FMN parashikon që recesioni do të pasohet nga një rritje ekonomike globale, 5.4% në 2021, me ekonomitë në zhvillim duke parë një rimëkëmbje më të shpejtë (5.9%) sesa ekonomitë e përparuara (4.8%).

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>