Fondi për tërmetin, administrata detyrohet të shkojë në koncert solidariteti me bileta 10,000 lekëshe

Nga Redaksia
Fondi për tërmetin, administrata detyrohet të shkojë në koncert solidariteti me bileta 10,000 lekëshe

Qeveria vazhdon të ushtrojë presion ndaj administratës për të kontribuar në fondin e rindërtimit për pasojat që shkaktoi tërmeti.

Më 20 dhjetor me moton “Ti nuk do jesh kurrë vetëm” organizohet koncert në Parkun Olimpik Tiranë. Organizatorët kanë vendosur që të ardhurat e mbledhura nga çmimi i biletave t’ia kalojnë fondit të rindërtimit të shkollave të rrënuara nga tërmeti i 26 nëntorit.

Çmimi i biletave është 10,000 lekë dhe burime për Exit News thanë se një pjesë e administratës në institucione si Ministria e Bujqësisë, është urdhëruar të shkojë në koncert.

Gjatë ditës së sotme u raportua se në këtë koncert do të marrin pjesë edhe Presidenti i Serbisë Alexandar Vuçiç dhe Kryeministri i Maqedonisë së Veriut, Zoran Zaev.

Bileta 10,000 lekë për koncertin e 20 dhjetorit.

Pas tërmetit, qeveria i hoqi administratës shpërblimet e fundvitit. Në media u publikuan shkresa të rrjedhura nga Policia dhe Kontrolli i Lartë i Shtetit ku punonjësit urdhëroheshin të kontribuonin për fonde. Edhe pse u theksua se kontributet ishin vullnetare, nga policia u mblodhën 850 mijë euro.

Adresa juaj e emailit nuk do bëhet publike.

Lajme te ngjashme