Gjermania: Spiunimi rus njësoj si gjatë Luftës së Ftohtë

Nga Exit News
Gjermania: Spiunimi rus njësoj si gjatë Luftës së Ftohtë

Inteligjenca ruse është po aq aktive në Gjermani sa ishte “gjatë kohës së Luftës së ftohtë”, tha kreu i agjencisë së inteligjencës së Gjermanisë (BfV) në komentet e botuara nga gazeta gjermane Welt am Sonntag, raporton Deutche Welle.

Drejtuesi i BfV Thomas Haldenwang tha se Kremlini ka “interes për të spinuar Gjermaninë në pothuajse të gjitha fushat, kryesisht në ekonomi e politik”.

“Rusia ka rritur ndjeshëm aktivitetin e saj,” u shpreh Haldenwang për gazetën gjermane. “Deri më tani, ne kemi njohur vetëm spiunimin e kryer gjatë kohës së Luftës së Ftohtë.”

Haldenwang tha se Rusia po përdorte agjentë për të “vendosur kontakte me deputetë e persona të rëndësishem në politikë”.

“Metodat e Moskës po bëhen më të ashpra dhe me mjete më brutale”, shtoi eksperti i inteligjencës, duke përmendur vrasjen e një gjeorgjiani në Berlin në vitin 2019, për të cilën agjencia ka fajësuar qeverinë ruse.

Bruno Kahl, president i agjencisë së inteligjencës së Gjermanisë për jashtë vendit (BND), tha se Gjermania duhet “të mendojë për vendet e tjera që duan të forcohen në ekonomi e ndikim politik”.

Duke iu referuar Kinës dhe Rusisë, Kahl tha, “Po bëhen përpjekje me të gjitha metodat e mundshme për të siguruar përparësi”, dhe “për të ndezur keqkuptimet midis shteteve të zhvilluara”.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>