Qeveria italiane do të shtyjë gjendjen e emergjencës deri në 31 tetor për shkak të pandemisë se Covid-19, raporton Politico.eu.
Të martën, kryeministri italian Giuseppe Conte do të informojë senatorët në lidhje me këtë nismë të qeverisë dhe të mërkurën parlamentin.
“Qeveria do të marrë vendimin për zgjatjen e gjendjes së jashtëzakonshme deri në 31 tetor vetëm pas një miratimit në parlament,”pohoi Ministri italian i Shëndetësisë, Roberto Speranza.
Italia shpalli gjendjen e emergjencës në fund të janarit, gjendje e cila përfundon në fund të korrikut.
Italia rregjistron që nga fillimi i pandemisë, 246 mijë të infektuar dhe 35 112 viktima.
