Italia ka rritur kufizimet në pesë nga 20 rajonet e vendit për të ndaluar rritjen e rasteve. Vendimi erdhi pas lajmërimit të ekspertëve për një rritje të varianteve të reja shumë ngjitëse të koronavirusit.
Sipas Reutersit, për herë të parë që nga fundi i janarit, dy rajone – Bazilikata dhe Molise – u kthyen në zonë të kuqe. Kjo do të thotë që baret, restorantet dhe dyqanet duhet të mbyllen, lëvizja të jetë e kufizuar.
Tre rajone u zhvendosën nga zonat e verdha në portokalli: Lombardia dhe Piemonte, në të cilat ndodhen qytetet e pasura veriore të Milanos dhe Torinos.
Në këto zona, restorantet dhe baret janë të mbyllura, njerëzit nuk lejohen të largohen nga qytetet e tyre, përveç për raste urgjente pune dhe shëndetësore.
Ishulli i Sardenjës u bë rajoni i parë që kali në zonë të bardhë me kufizime minimale. Vendimi i sotëm do të thotë që nga e hëna, kur të bëhet efektive, dy rajone do të klasifikohen si të kuqe, nëntë si portokalli, tetë si të verdhë dhe një si të bardhë.
Dje, ministria e shëndetësisë raportoi një rritje të vazhdueshme të infeksioneve, me 20,499 raste të reja ditore, nga 19,886 një ditë më parë. Gjatë pesë ditëve të fundit, rastet e reja janë rritur me 35% në krahasim me të njëjtën periudhë javën e kaluar.
