Kreu i Kishës Katolike shqiptare Imzot Xhorxh Frendo mendon se kthimi i muzeut të Hagia Sofisë në xhami nuk i shërben bashkëjetesës mes komuniteteve fetare.
Përmes një qëndrimi zyrtar, Imzot Frendo shkruan:
“Duke qenë se Hagia Sofia i përket trashëgimisë botërore do të duhej të merreshin vendime të bashkërenduara e ai objekt të mbetej i tillë, i hapur dhe i vizitueshëm nga të gjithë dhe duke u përkitur të gjithëve.”
Ditët e fundit presidenti Erdogan ka firmosur dekretin për kthimin e muzeut Hagia Sophia në një xhami.
Hagia Sophia u ndërtua 1,500 vite më parë si një katedrale. Më pas otomanët e kthyen atë në një xhami, por në vitin 1934 u shndërrua në muze.
Ajo është një vend i Trashëgimisë Kulturore Botërore që mbrohet nga UNESCO.
Propozimi ka shkaktuar kritika të forta nga drejtues fetarë apo politik në të gjithë botën.
350 kisha, anëtare të Këshillit Botëror të Kishave, i kanë bërë thirrjeErgodanit të tërheqë vendimin pasi kjo lëvizje do të sjellë përçarje mes komuniteteve fetare.Vendimi u kundërshtua dhe nga Bashkimi Europian.
Ndërsa të dielën, edhe Papa Frencesku u shpreh i pikëlluar për kthimin e muzeut, dikur kishë, në xhami.
Reagimi i presidentit Ergodan ndaj të gjithë kritikëve ishte deklarata për revistën Kriter:
“Vendimi përfundimtar për statusin e Hagia Sofisë ka të bëjë me kombin turk dhe me asnjë tjetër. Është çështje jona e brendshme.”
