Kosova pret të dielën emigrantët e parë afgan. Bëhet fjalë për kontraktor të NATO-s, gjatë misionit në Afganistan, dhe familjet e tyre.
Lajmi u bë i ditur nga Zëri i Amerikës, i cili shkruan se grupi, me më pak se 100 veta, do të zbarkojë në orën 19.00 në aeroportin e Prishtinës.
Kosova do të strehojë personat që janë në procesin e aplikimit për viza speciale të emigrimit në SHBA (SIV), ata që janë nën mbrojtje të vecantë, dhe ata që presin të zhvendosen në një shtet tjetër përveç SHBA-ve.
Kosova është vendi i parë në Ballkan, i cili para pak ditësh vendosi të strehojë afganët e evakuar nga cilido shtet.
Janë gjithsej 2000 emigrant afgan që pritet të strehohen në Kosovë.
