Kosovë, Kurti Thaçit: Mos ushtro presion, afër koalicionit me LDK

Kosovë, Kurti Thaçit: Mos ushtro presion, afër koalicionit me LDK

Kreu i Lëvizjes Vetëvendosje Albin Kurti i ka kërkuar presidenti Thaçi të mos ushtrojë më presion për krijimin e qeverisë së re.

Me anë të një letre ku i përgjigjej thirrjes së presidentit të 10 janarit, për të nxituar e marrë një vendim: nëse do të formojë qeverinë e re apo do të shkojë në zgjedhje, Kurti shprehet se “mesazhi i Thaçit përbën ndërhyrje dhe paragjykim të procesit të formimit të institucioneve dhe paralajmërin kërcënues, në këtë rast për subjektin fitues.”

Kurti shkroi se Lëvizja Vetëvendosje, si fituesja e zgjedhjeve do t’i dërgojë presidentit propozimin e saj për kryeministër në të ardhmen e afërt dhe sa gjithë kësaj kohe ka punuar për arritjen e një koalicioni dhe se bisedimet me LDK-në janë drejt finalizimit.

Sot bëhen 99 ditë që nga zgjedhjet e 6 tetorit dhe Kosova ende nuk ka qeverinë e re. Albin Kurti dhe kreu i LDK-së Isa Mustafa janë takuar vazhdimisht ditët e fundit por ende nuk kanë bërë publike planin për koalicionin qeveritar.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>