LSI kërkon rinumërim të votave në qarkun Durrës

Nga Exit News
LSI kërkon rinumërim të votave në qarkun Durrës

Lëvizja Socialiste për Integrim kërkoi të dielën rinumërin të votave dhe rivlerësim të rezultatit të zgjedhjeve në qarkun e Durrësit.

Në bazë të dokumentit të depozituar pranë Komisionit të Ankimimeve dhe Sanksioneve, publikuar nga BË, LSI pretendon se:

– në disa qendra votimi në Durrës janë gjetur fletë votimi pa vulë, të cilat janë futur nga jashtë;

– në pothuajse çdo ZAZ në qark janë konstatuar tentativa të votimit të dyfishtë;

– në qendrën e votimit 1257 konstatohet mungesa e kamerave të vëzhgimit, në thyerje të ligjit.

Sipas rezultatit paraprak të zgjedhjeve të shpallur nga KQZ, LSI nuk ka mundur të sigurojë asnjë mandat në qarkun e Durrësit.

Ndërkohë, mëngjesin e së dielës LSI kërkoi shpalljen e pavlefshme të rezultatit të zgjedhjeve në qarkun e Beratit dhe përsëritjen e votimit në këtë zonë.

Gjithashtu, pak ditë më parë LSI ka kërkuar shpalljen e pavlefshme të rezultatit zgjedhor edhe për qarkun e Gjirokastrës.

 

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>