Mandati i Dvoranit—KLGJ shmang Gjykatën Kushtetuese, i kërkon mendim ndërkombëtarëve

Nga Exit News
Mandati i Dvoranit—KLGJ shmang Gjykatën Kushtetuese, i kërkon mendim ndërkombëtarëve

Këshilli i Lartë Gjyqësor do ti kërkojë mendim partnerëve ndërkombëtarë, me gjasa EURALIUS dhe OPDAT, për çështjen e mandatit të gjyqtarit të Gjykatës së Lartë, Ardian Dvoranit.

Vendimi u mor në mbledhjen e sotme, pas kërkesës së disa ditëve më parë të Presidentit Meta.

Mbetet e paqartë, përse KLGJ nuk arriti të marrë një vendim për Dvoranin. Kushtetuta parashikon se anëtarët e rinj zëvendësojnë gjyqtarët, të cilëve ju ka mbaruar mandati.

Gjyqtarit Dvorani i ka mbaruar mbaruar mandati që prej vitit 2014, shumë më herët se të gjithë anëtarëve e tjerë të Gjykatës së Lartë, të cilët dhanë dorëheqjen apo u shkarkuan nga vetingu.

Në përputhje me përcaktime dhe frymën kushtetuese, vendi i tij duhet të ishte i pari për t’u zëvendësuar dhe Dvorani duhet të largohej që në momentin e emërimit të anëtarit të parë të ri të Gjykatës së Lartë.

Nga ana tjetër, Kushtetuta përcakton se vetëm Gjykata Kushtetuese mund të bëjë interpretim të saj. Kështu nëse KLGJ-së i nevojitej një interpretim ligjor për mbarimin ose jo të mandatit të Dvoranit, mund të drejtonte kërkesë në GJK. Tashmë ajo ka kuorumin për të pranuar kërkesa.

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>