Facebook ka hequr mbi 110,000 postime keqinformuese në lidhje me Covid-19 të krijuara nga llogaritë të hapura në Australi, në vitin e parë të pandemisë.
Në shkurt, Facebook, së bashku me Twitter, Google, Microsoft, Redbubble dhe TikTok, nënshkruan një kod të ri pune vullnetar për luftën ndaj keqinformimit në internet.
Si pjesë e kodit, anëtarëve u kërkohet të publikojnë raporte vjetore se si po zbatojnë detyrimet e tyre.
Në një postim në blog të premten, shefi i politikës publike të Facebook në Australi, Josh Machin, zbuloi se nga marsi deri në dhjetor 2020, Facebook hoqi më shumë se 14 milion postime me informacione të gabuara në lidhje me Covid-19, duke përfshirë ato në lidhje me masa të rreme parandaluese ose kura të ekzagjeruara.
Machin tha se Facebook kishte identifikuar se 110,000 nga ato postime vijnë nga llogari ose faqe australiane.
Si pjesë e goditjes së gjigandit të teknologjisë ndaj keqinformimit, Facebook bllokoi faqen e ish-deputetit të pavarur Liberal australian Craig Kelly në Facebook në prill për shkelje të përsëritura, duke përfshirë postime rreth trajtimeve të paprovuara për Covid-19.
