Presidenti Meta ka dekretuar të martën ligjin për marrjen hua të 15 milion eurove për Covid-19 nga Banka Ndërkombëtare.
Në një deklaratë për mediat, Presidenca tha se “dekreti për shpallje është realizuar brenda 24 orëve dhe shpreh keqardhjen që megjithëse i miratuar që më 3 dhjetor ky ligj i është dërguar nga Kuvendi vetëm ditën e djeshme”.
Meta i ka bërë thirrje Ministrisë së Shëndetësisë dhe Ministrisë së Financave dhe Ekonomisë, që “të bashkëveprojnë më ngushtë dhe pa vonesa në mënyrë që çdo mbështetje financiare e huaj të vihet në efektivitet sa më shpejt me qëllim përmirësimin e sistemit shëndetësor shqiptar, për të përballuar situatën e pandemisë COVID-19”.
Qeveria shqiptare dhe Banka Evropiane për Rindërtim dhe Zhvillim (BERZH) kanë firmosur një marrëveshje me vlerë 15 milionë euro për përballimin e situatës me COVID.
Në seancën e Kuvendit, në 3 dhjetor ministrja e Shëndetësisë Manastirliu tha se 15 milionë euro do të përdoret për:
Fuqizimin e laboratorit të Covid-19, blerjen e pajisjeve, trajnimin e stafit epidemiologjik, regjistrimin e informacionit, punësimin e mjekëve të rinj.
Rritjen e kapaciteteve për trajtimin e pacientëve të sëmurë me COVID dhe sëmundjet që lidhen me të. Do të kemi rehabilitim dhe fuqizim e pajisjeve për Spitalin Infektiv dhe Urgjencës Kombëtare.
Së treti përfshihen masat për distancimin fizik dhe e gjithë platforma e komunikimit të riskut me qytetarët, konsulta mjekësore në distanca, komunikimi i masave përmes medias.
Manastirliu kujtoi sërish rritjen e finnacimit për shëndetësinë për vitin 2021 me 23 për qind, përfshirë edhe rritjen me 40 përqind të pagave për mjekët, infermierët, farmacistët.
