Presidenti Ilir Meta i bëri thirrje të enjten kryeministrit Edi Rama për debat publik.
Meta komentoi dhe deklaratën e Ramës për bashkëpunim me Lulzim Bashën me kushtin që të shkëputet nga Berisha dhe Meta.
“Ma sill këtu Ramën kur të duash. E pres në çdo moment, në zyrë, në çdo takim”, tha Meta
Meta kujtoi debatin e para 5 viteve me kryeministrin Edi Rama për reformën në drejtësi.
Ai tha se i ka thënë Ramës në Kryeministri se ishte fatkeqësi që kishte bërë marrëveshje dhe se më seriozi në politikë në 27 vite i kishte dalë ish-kryeministri Sali Berisha.
“Te dhoma e luleve në kryeministri para 4-5 vjetësh, që bënte këto lojërat ky për reformën, ai me Gramozin dhe unë me Vasilin dhe i fola pak rëndë. Dhe I them dëgjo këtu Edi Rama, më çmendët të gjithë se është fatkeqësi për këtë vend që kam bërë marrëveshje dhe pas 27 vjetësh më seriozi më ka dalë Sali Berisha, sepse vendi duhej të kishte prodhuar politikan të rinj”, tha Meta
