Mjeku Prifti kërkon lirim nga burgu dhe kthim të parave të konfiskuara

Nga Exit News
Mjeku Prifti kërkon lirim nga burgu dhe kthim të parave të konfiskuara

Mjeku Edvin Prifti ka apeluar në Apelin e Posaçëm vendimin për masën e sigurisë arrest me burg si dhe sekuestrimin e parave.

Sipas BalkanWeb, mjeku Prifti ka kërkuar ndryshim të masës në detyrim paraqitjeje si dhe kthim të parave të sekuestruara pasi ato janë të ligjshme.

Ai shprehet se sekuestrimi i tyre është bërë në mënyrë të paligjshme, sepse ato janë gjetur gjatë kontrollit në çantën e tij. Kjo gjë është bërë sipas mjekut pa vendim gjykate.

Gjykata e Posaçme kundër Krimit dhe Korrupsionit (GJKKO) vendosi arrestimin e mjekut Prifti.

SPAK vendosi më 11 shkurt pezullimin nga detyra të Priftit, pasi u kap në një përgjim të sekretares së Gjykatës së Krujës për kryerjen e një operacioni jashtë radhe në këmbim të parave.

Më pas, prokurori Martini pas gjetjes së shumës prej 250 mijë euro në banesën e mjekut vendosi ndryshimin e masës së arrestit, në “arrest me burg”.

Lajme te ngjashme