Negocimi për kushte dhe paga me Albchrome përplas sindikatat e minatorëve

Nga Redaksia
Negocimi për kushte dhe paga me Albchrome përplas sindikatat e minatorëve

Sindikata e re e minatorëve të Bulqizëss ka kundërshtuar që kontrata kolektive e punëtorëve për vitin 2020 me kompaninë Albchrome të nënshkruhet me sindikatën e vjetër.

Sindikata e Minatorëve të Bashkuar të Bulqizës (SMBB) akuzon Federatën Sindakale e Punonjësve të Industrisë së Shqipërisë (FSPISH), se ajo punon për interesat e kompanisë Albchrome dhe jo për ato të minatorëve.

Në fundjavë SMBB kundërshtoi takimet e FSPISH me kompaninë Albchrome duke pretenduar se ato “nuk përfaqësojnë shumicën e punëtorëve”.

FSPISH deklaroi se kishte zhvilluar më 3 janar takim me përfaqësues të kompanisë Albchrome, të cilës i kishte kërkuar:

  1. Rishikim të vërejtjeve dhënë punëtorëve që morën pjesë në protestat e nëntorit dhe dhjetorit;
  2. Certifikim të normave të punës nga një komision ekspertësh;
  3. Fillim të diskutimit për rritje pagash.

FSPISH thotë se kompania ka rënë dakord për certifikimin e normave të punës dhe po kështu për diskutimin për rritje pagash.

“Ne si FSPISH kërkuam rritje page të pavarur. […] U ra dakord që deri në maj 2020, të jetë përcaktuar lloji dhe mënyra e përfitimeve/benefiteve për punëtorët”.

SMBB reagoi duke thënë se kërkesa për rishikim të normës së punës ka qenë prej kohësh, por që FSPISH dhe Konfederata e Sindikatave (KSSH) nuk e kanë marrë parasysh:

“Normat duhet të rishikohen dhe të vendosen në marrëveshje me minatorët, sipas normave të mëparshme që kanë pasur.”

Në reagimin e saj SMBB thekson se “më 26 dhjetor i ka dërguar Albchrome-it kërkesë për nisjen e bisedimeve për kontratën e re kolektive”, bashkë me formularët e anëtarësimit në sindikatës. SMBB pretendon se ka anëtarë shumicën e punëtorëve dhe për këtë i takon asaj të negociojë me kompaninë.

Prej 22 nëntorit mes minatorëve dhe kompanisë Albchrome ka patur përplasje. Ato nisën pas krijimit të SMBB dhe largimit nga puna të 4 themeluesve të saj. Sindikata e re është konfliktuar edhe me sindikatat ekzistuese, të cilat pretendojnë se kushtet dhe pagat në miniera janë përmirësuar.

Kompania ka hedhur poshtë pretendimet e SMBB, ndërsa sindikatat e vjetra kanë vënë në dyshim synimet dhe mënyrat se si po vepron sindikata e re. Në një shkrim të mëparshëm Exit News ka përmbledhur të gjitha pretendimet.

2 komente

  1. E 7 Janar, 2020 në 4:19 am

    Zamir mane tu qift nana

Adresa juaj e emailit nuk do bëhet publike.

Lajme te ngjashme