Ngritja e SPAK, SHBA dhe BE: Moment i rëndësishëm për drejtësinë shqiptare

Nga Redaksia
Ngritja e SPAK, SHBA dhe BE: Moment i rëndësishëm për drejtësinë shqiptare

Mbas betimit të tetë prokurorëve të Strukturës së Posaçme Antikorrupsion (SPAK) para Presidentit, ambasada e SHBA-ve dhe ambasadori i BE Luigi Soreca u shprehën se ngritja e kësaj strukture është një moment i rëndësishëm për drejtësinë shqiptare.

Në një postim në faqen e saj në Facebook, ambasada e SHBA-ve u shpreh:

“Nga dita e sotme, Shqipëria ka një organ prokurorësh të angazhuar për të identifikuar, hetuar dhe vënë përpara drejtësisë zyrtarë të kaluar apo aktualë dhe bosë të krimit – individë që në kohët e vjetra janë konsideruar si të paprekshëm. Ndërsa Shqipëria nis një fazë të re të zhvillimit të saj demokratik dhe ligjor, Shtetet e Bashkuara do të mbeten një partner i palëkundur në mbështetje të SPAK dhe të të gjithë atyre që kërkojnë ti japin fund pandëshkueshmërisë dhe të sjellin drejtësi për popullin shqiptar.”

Ndërkohë ambasadori i BE Luigi Soreca deklaroi se “8 prokurorët e SPAK janë gati për të filluar punën” dhe se ky është “një tjetër moment i rëndësishëm për zbatimin e reformës në drejtësi.”

Mëngjesin e sotëm tetë prokurorët e SPAK u betuan para Presidentit Ilir Meta.

1 koment

  1. Xufe 19 Dhjetor, 2019 në 12:47 pm

    Nqs do hetojë krimin dhe do ndëshkohen të paprekshmit spak duhet të fillojë me hetimin dhe denimin e krimit elektoral të 2017 që doli edhe nga Bild,sepse të gjitha të këqijat në demokraci vinë nga deformimet e votës së lirë dhe tjetërsimi i saj. Jam shumë pesimistë që do ndodhë dënimi i të ashtuquajturëve peshq të mëdhenj sepse edhe drejtësia e re është kapur nga pushteti aktual kjo për faktin se kjo qeveri është mbështetur nga ndërkombëtarët në gjithë paligjshmërinë ,hajdutërinë ,krimin dhe korrupsionin në kto vite qeverisje pa thënë asnjë fjalë kundër saj. Kjo mbështetje ka ndodhur që me kanabizimin e vendit me korrupsionin galopant dhe së fundmi dje me censurimin e fjalës së lirë me ligjin antishpifje. Më vjen shumë keq që në Shqipëri konsiderohen normale kto bëma të qeverisë nga kta ndërkombëtarë që në vendet e tyre nuk imagjinonhet të ndodhin.

Adresa juaj e emailit nuk do bëhet publike.

Lajme te ngjashme