Kryetarja e opozitës bjelloruse, Svyatlana Tsikhanouskaya ka kërkuar nga Bashkimi Europian dhe Amerika që të jenë më të ashpër me sanksionet dhe të nisë hetimet kundër presidentit Aleksander Lukashenko.
Të mërkurën, në një takim virtual me disa nga ministrat e jashtëm të BE-së, Tsikhanouskaya kërkoi që ndërkombëtarët të hetojnë dhunën e ushtruar nga policia e Lukashenkos në protestat e opozitës.
Kryetarja e opozitës ndodhet në Lituani që prej gushtit. Ajo u largua nga Bjellorusia pas nisjes së protestave kundër presidentit Lukashenko, i cili akuzohet se vodhi zgjedhjet e gushtit dhe planifikoi arrestimin e rivales Tsikhanouskaya.
Lukashenko – në pushtet që prej vitit 1994 – mohon se i ka manipuluar zgjedhjet. Ai u betua në një ceremoni sekrete në 23 shtator.
Prej 9 gushtit, qindra mijëra qytetarë vazhdojnë të protestojnë dhe të kërkojnë largimin e Lukashenkos.
Presidenti ka shtypur protestat me dhunë policiore dhe duke arrestuar mijëra qytetarë.
Në tetor 2020, Bashkimit Europian vendosi sanksione ndaj 40 zyrtarëve bjellorusë të akuzuar për manipulim votash. BE ka dënuar vazhdimisht dhunën e përdorur nga regjimi kundër qytetarëve dhe nuk ka pranuar të njohë rezultatin e zgjedhjeve të 9 gushtit.
