Suedia ka marrë në një janar kryesimin e OSBE-së, në përfundim të mandatit të Shqipërisë.
Ministrja e jashtme e Suedisë, Ann Linde falenderoi kryeministrin Rama për një vit punë gjatë një kohe të vështirë:
“Faleminderit Edi Rama dhe misionit shqiptar në Vjenë për një kryesim me të vërtetë frymëzues të OSBE-së. Pavarësisht rrethanave sfiduese, ju arritët të gjenit modalitetet e takimit, të merrnit vendime të rëndësishme dhe të tregonit një lidership të ri ekzekutiv.”
Gjatë në ceremonie në 4 dhjetor, Rama renditi arritjet e tij si kreu i OSBE-së, në përfundim të presidencës së OSBE-së.
Gjatë mbledhjes së Këshillit të 27-të Ministerial të OSBE-së, Rama përmendi problematikat me të cilat është hasur gjatë presidencës së tij, duke nisur nga konfliktet në Ukrainë e Bjellorusi dhe deri tek pandemia. Kryeministri përmendi si sfidë edhe problemet e brendshme të organizatës.
Pavarësisht gjithë krizave, Rama tha se Shqipëria tregoi ambicie në krye të OSBE-së.
