PD denoncon votimin e shumëfishtë në Elbasan

PD denoncon votimin e shumëfishtë në Elbasan

Partia Demokratike, përmes përfaqësuesit të saj ligjor Marash Logu, ka denoncuar në seancën e së premtes pranë Komisionit të Ankesave dhe Sanksioneve dyshimet për votimin e shumëfishtë në qarkun e Elbasanit.

Sipas tij, ky përbënte vetëm një prej argumenteve për shpalljen të pavlefshme dhe ripërsëritjen e zgjedhjeve në këtë qark.

Shenjat e gishtërinjve e 47 personave, janë përdorur për identifikimin e 312 zgjedhësve, çka do të thotë ka dyshim që një person ka votuar shtatë herë për person, kjo cënon procesin zgjedhor,” u shpreh Logu.

Argumentet e tjera që ka paraqitur Partia Demokratike janë:

Blerja e votave: PD ka bërë dy kallëzime penale në SPAK dhe akuzon shtetasit Taulant Balla, Saimir Hasalla, Besion Ajazi dhe Santila Tahiraj, Gjergj Luca, përfaqësues të PS-së, për blerje të votave me një çmim që varion nga 100-300 €;

Abuzim me tenderat: Shtetas me rekorde kriminale, kanë përfituar tendera publike me vlerë miliona euro, të cilat më pas i kanë përdorur në funksion të zgjedhjeve;

Fushata e PS u financua nga buxheti i shtetit: Zyrtar të lartë të PS u shfaqën në aktivitete publike, duke shpërndarë leje legalizimi në këmbim të votës;

– Raste të votimit të shumëfishtë dhe atij familiar.

 

 

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>