Opozita ka rënë dakord për depolitizimin e komisioneve të administrimit zgjedhor. Ndërsa socialistët nuk kanë pranuar përdorimin e teknologjisë në zgjedhje, identifikimin, votimin, numërimin elektronik.
“Në rast se pranuam që të ecim drejt një depolitizimi të komisioneve të administrimit zgjedhor, mund të hidhej në këmbim të identifikimit biometric, pa një garanci të tillë s’mund të ecet në elemetë të tjera”, tha Petrit Vasili, përfaqësuesi i LSI-së në Këshillin Politik pas përfundimit të mbledhjes.
Ndërsa Oerd Bylykbashi, përfaqësuesi i PD-së në Këshill tha se “janë të ndërlidhura çështjet, biometrika e lidhur me administratën, por edhe thelbësisht që KQZ s’mund të jetë pronë. Jo vetëm këto shtylla janë të zgjidhura kompromisi do arrihet shumë shpejt.”
