Presidentja në detyrë Osmani: Nuk është koha për dialog me Serbinë

Nga Exit News
Presidentja në detyrë Osmani: Nuk është koha për dialog me Serbinë

Vjosa Osmani, presidentja në detyrë e Kosovës, mendon se Kosova duhet ta ndalojë përkohësisht dialogun me Serbinë, pas nisjes së proceseve gjyqësore në Hagë për drejtuesit e lartë të vendit dhe UÇK-së.

Në një intervistë për Deutsche Wellen, Osmani u shpreh se Kosova nuk mund të bëjë sikur nuk ka ndodhur asgjë:

“Mendoj që për shkak të zhvillimeve aktuale tani nuk është momenti që të vazhdohet dialogu menjëherë. tani nuk besoj se është momenti i duhur, që Kosova të vazhdojë kinse asgjë nuk ka ndodhur.”

Ajo theksoi se është e nevojshme që të gjithë institucionet e vendit të ulen në bisedime dhe të vlerësojnë situatën:

“Duhet që institucionet e Kosovës të marrin pak kohë, të ulemi, të konsultohemi mes vetes, të krijojmë një qëndrim shumë më të unifikuar rreth dialogut, sepse është e domosdoshme që kushdo që negocion në emër të Kosovës, për fatin e Kosovës, të ketë një qëndrim shumë më të unifikuar të spektrit politik se sa vetëm të koalicionit që përfaqëson.”

Kryetarja e parlamentit të Kosovës,  Vjosa Osmani mori detyrën e Presidentes në detyrë në vend të Hashim Thaçit, pas dorëheqjes së tij në 5 nëntor.

Presidenti i Kosovës, Hashim Thaçi dha dorëheqjen të enjten pasi u njoftua që aktakuza për krime lufte kundër tij u konfirmua nga Dhomat e Specializuara të Kosovës në Hagë.

LEXO  Kryetari i ri i LDK, Abdixhiku: Vendos kryesia nëse do të mbështesim Vjosa Osmanin per presidente

Marrja e detyrës nga Osmani bazohet në nenin 90 të Kushtetutës së Kosovës për mungesën e përkohshme të presidentit:

“Në rast se Presidenti i Republikës së Kosovës përkohësisht nuk është i aftë për të përmbushur përgjegjësitë e tij/saj, ajo/ai mund t’ia kalojë vullnetarisht detyrat e postit të tij/saj, Kryetarit të Kuvendit, i cili do të jetë ushtrues i detyrës së Presidentit të Republikës së Kosovës.”

Kushtetuta gjithashtu specifikon që pozita e Presidentit të Përkohshëm të Republikës së Kosovës “nuk mund të ushtrohet për një periudhë më të gjatë se gjashtë (6) muaj”.

 

Adresa juaj e emailit nuk do bëhet publike.

Lajme te ngjashme