Kryeministri Edi Rama fajësoi policët e korruptuar për lejimin e ngjarjeve të fundit kriminale në vend. Rama i la 100 ditë kohë Ministrit Cuci dhe drejtorit të Policisë Ardi Veliu për të pastruar policinë nga të korruptuarit e rivendosur rendin.
Çështjet kryesore të përmendura nga Rama në takimin me drejtuesit e Ministrisë së Brendshme dhe Policisë së Shtetit, të enjten, ishin:
1 — Do të ketë ndryshime në policinë e Shtetit:
“Do të ketë lëvizje të mëtejshme në të gjithë piramidën e Policisë së Shtetit, deri në nivelin e komisariateve, [për] një reformim dhe transformim të mëtejshëm të Policisë së Shtetit”.
2 — Përmirësoni imazhin e Policisë:
“Është e pajustifikueshme që rastet e referuara të mungesës së etikës në komunikim me qytetarët sidomos nga ana e forcave shqiponja dhe nga patrulla e përgjithshm. Mbrojtjen e imazhit të policisë së shtetit duhet ta kenë dritë në sytë e tyre”.
3 — Të rritet vemendja për denoncimet e dhunës në familje:
“E papranueshme që në komisariate shpërfillen klithmat e grave që dhunohen. Shpërfillen totalisht dhe dhimbjet e patregueshme. Çdo komisariat duhet të ketë persona përgjegjës që të merret me dhunën në familje”.
4 — Të mos lejohen ndërtimet paleje në zonat turistike:
“Bëhen ndërtime pa leje brenda vijës së verdhë të bashkive, hidhet beton, çfarë bën policia e shtetit në ato kuadrata që janë të ndara qartësisht mes komisariateve, kthen sytë nga ana tjetër”.
5 – Policët që lejojnë funksionimin e lakaleve përtej orës policore duhet të ndëshkohen penalisht:
“Rasti i Sarandës ishte alarmant [plagosja në bar ‘Orange’]. Ai rast duhet të çohet në ndëshkimin penal të gjithë zinxhirit të komandës në Sarandë”.
