Kryeministri Edi Rama ftoi kryetarin e PD-së Basha të bashkohen për të gjetur një zgjidhje për miratimin e reformës zgjedhore në Kuvend. Ai tha se edhe zoti Basha duhet të bisedojë me deputetët e opozitës parlamentare për t’i bindur të votojnë marërveshjen zgjedhore.
“Të futej edhe Basha në këtë proces, të bënte komunikim me ta, që i ka futur këtu në Parlament. Nuk është mëkat të bashkojmë forcat për të dhënë zgjidhje, një rruge jo të lehtë dhe që s’mund të komentohet nga klubet e natës nëpër ekrane që japin mend dhe zgjidhje, gjysmë shtrirë nëpër kolltuqe”, u shpreh kryeministri për gazetarët.
