Kryeministri Edi Rama deklaroi se është i gatshëm të bashkëpunojë me kreun e PD-së, Lulzim Basha nëse ai do të ndahet nga Sali Berisha dhe Ilir Meta.
Gjatë fjalës së tij në Kamëz, Rama tha se Basha nuk është një lider por ndjekës i Berishës.
“Më thotë gazetari, a je gati të bashkëpunosh me Bashën? Patjetër, padiskutim, por me një kusht, të ndahet nga Saliu e Iliri.
Dhe Basha përgjigjet, përgjigjia e tij është thjesht dhe vetëm pohimi i fatit që ai nuk është lider, udhëheqës, ai është udhëndjekës i Saliut dhe Ilirit.”
Rama tha se është i gatshëm për të shkuar përtej ndasive politike të 30 viteve. Ai shtoi se me 25 prill PS do të fitojë zgjedhjet.
