Kryeministri Edi Rama ka takuar, të hënën, presidentin turk Rexhep Taip Erdogan, gjatë një vizite në rezidencën verore të tij në Marmaris.
Duke postuar një foto në Facebook, Rama e quan Erdoganin ‘mik të çmuar’.
Rama tha se bisedoi me të ‘për marrëdhëniet mes Shqipërisë e Turqisë, sfidën e kohës për fuqizimin e ekonomisë në kushtet e përballjes me Covid-19, ecurinë e bashkëpunimit dypalësh, si edhe situatën në rajonin e Ballkanit Perëndimor.’
Rama gjtihmonë ka folur me superlativa për presidentin turk dhe për miqësinë personale me të. Ai ka udhëtuar disa herë në Turqi, jo në vizita zyrtare për tu takuar me Erdoganin.
Madje ne jemi i vetmi vend në Evropë që kemi një memorial në nderim të viktimave të grushtit të dështuar të shtetit në Turqi (15 korrik 2016).
