Viola von Cramon, raportuesja e Parlamentit Evropian për Kosovën, kritikoi ashpër klasën politike kosovavare për rrëzimin e qeverisë Kurti dhe akuzoi diplomatët amerikane për ‘zbatimin e një plani të rrezikshëm në Kosovë.’
“Unë nuk e di çfarë të them. Klasë politike plotësisht e papërgjegjshme. Vendosën partinë dhe karrierën e tyre përpara të ardhmes së vendit. Më vjen keq për njerëzit e Kosovës që shpresuan për reforma, sundim të ligjit, drejtësi dhe një të ardhme më të mirë “, u shpreh Von Cramon, duke shtuar se ky vendim ishte “tragjik”.
Në një postim në Twitter ajo shprehu mosbesimin e saj dhe për përgënjshtrimin që Departamenti i Shtetit i bëri akuzave se diplomatët amerikanë kanë qënë pas planit për rrëzimin e qeverisë Kurti, me qëllim arritjen e një marrëveshje me Serbinë për shkëmbim territoresh.
Duke shpërndarë në Twitter deklaratën e DASH, Viola von Cramon shkruan:
“Na mbetet vetëm të shpresojmë se SHBA-ja, pas krijimit të rrëmujës në shtetin e Kosovës, do t’i mbetet besnike fjalës se nuk ka plan sekret dhe nuk ka shkëmbim territoresh.”
Gazeta më e rëndësishme amerikane Nju Jork Times (NYT), po ashtu ka pohuar se diplomatët amerikanë kanë diskutuar idenë e shkëmbimit të territoreve mes Kosovës dhe Serbisë si pjesë e një marrëveshje mes tyre dhe se pas rrëzimit të qeverisë së Kurtit janë diplomatët amerikanë.
Artikullin në shqip mund ta lexoni këtu.
