Autoritetet serbe kanë urdhëruar mbylljen këtë fundjavë të të gjitha shërbimeve jo-thelbësore, përveç bareve dhe restoranteve.
Megjithë suksesin e fushatës së vaksinimit, Serbia po sheh një rritje të infeksioneve të koronavirusit.
Më shumë se 1.5 milion e popullsisë 7 milionëshe të Serbisë kanë marrë të paktën një e dozat e vaksinave Sinopharm të Kinës, Pfizer-BioNTech, Sputnik V të Rusisë ose AstraZeneca, duke e bërë atë një nga vendet më të vaksinuara në Europë.
Kufizimet do të hyjnë në fuqi në orën 21:00, të premtën, dhe do të zgjasin deri në 15 mars, sipas organit të krizës të emëruar nga qeveria.
Të gjitha dyqanet dhe objektet e tjera duhet të qëndrojnë të mbyllura gjatë fundjavës, përveç supermarketeve, farmacive, qendrave shëndetësore dhe pikave të karburantit. Të gjitha ngjarjet publike gjithashtu do të pezullohen.
Klasave e larta të shkollës fillore do të kalojnë në mësim online javën e ardhshme, tha zyrtari i lartë i shëndetësisë Zoran Gojkoviç.
Ministria e Shëndetësisë ka regjistruar më shumë se 4500 infeksione të reja me koronavirus dhe 24 vdekje në 24 orët e fundit.
Në total, autoritetet kanë regjistruar më shumë se 507,000 raste dhe mbi 4,600 vdekje që nga fillimi i pandemisë.
