SHBA-të kanë tërhequr qindra trupa ushtarakë, aeroplanë dhe anti-raketa nga Lindja e Mesme, raportoi ekskluzivisht të premten Wall Street Journal. Trupat ushtarak u tërhoqën nga Iraku, Kuvajti, Jordania dhe Arabia Saudite.
Ushtria amerikane po tërheq gjithashtu një tjetër sistem anti-raketor nga Arabia Saudite dhe duke zvogëluar numrin e ekipeve ushtarake në rajon.
“Vendimi për të hequr disa nga trupat mbrojtëse pasqyron vendimin e Pentagonit se rreziku i përshkallëzimit të armiqësive midis SHBA dhe Iranit është zvogëluar ndërsa administrata e Biden ndjek bisedimet bërthamore me Teheranin dhe ka sinjalizuar synimin e saj për të lehtësuar sanksionet nëse marrëveshja bërthamore 2015 rivendoset, “shkruan WSJ.
Shtetet e Bashkuara kanë lajmëruar tërheqjen e plotë të ushtrisë nga Afganistani deri më 11 shtator.
Vendimi pasqyron politikën e administratës Biden për të zvogëluar praninë ushtarake në Lindjen e Mesme dhe në vend të kësaj të forcojë ushtrinë kundër Kinës dhe Rusisë.
