![el presidente de bielorrusia alexandr lukashenko efe SHBA vendos sanksione ndaj bashkëpunëtorëve të afërt të Llukashenkos](https://exit.al/wp-content/uploads/2020/08/el-presidente-de-bielorrusia-alexandr-lukashenko-efe.png)
Shtetet e Bashkuara vendosën të hënën sanskione mbi dhjetra individë dhe entitete bjelloruse të hënën, për shkak të shkeljes së të drejtave të njeriut dhe mungesës së demokracisë.
Departamenti i Thesarit bëri me dije se 16 individë dhe 5 entitete bjelloruse ishin vendosur në listën e zezë të SHBA-ve, të cilët cilësohen si bashkëpunëtor të ngushtë të Llukashenkos.
Mes subjekteve të sanksionuara janë:
– 8 anëtar të Komisionit Qëndror të Zgjedhjeve, të cilët e shpallën atë fitues të zgjedhjeve presidenciale pavarësisht parregullsive;
– Prokurori i Përgjithshëm, Andrei Ivanavich Shved;
– Zëvendës-Ministri i Brendshëm,Mikalai Karpiankou;
– kryetari i Parlamentit, Natallia Ivanauna Kachanava;
– Shefi i Shërbimeve të Inteligjencës, Ivan Tsertsel;
– Dy anëtar të zyrave të Inteligjencës, Sergei Yevgenevich Zubkov dhe Mikhail Hryb
– Sekretarja e Shtypit, Natallia Mikalaeuna Eismant;
– Kreu i Drejtorisë së Punëve të Brendshme në Komitetin Ekzekutiv të Brest Oblast, Alyaksandr Vyachaslavavich Astreika.
Ndër entitetet e përcaktuara ishin: komiteti i Sigurimit të Shtetit ose KGB Bjelloruse sipas njoftimit, burgu Akrestsina, Drejtoria e Luftës ndaj Korrupsionit dhe Krimit të Organizuar, Trupat e Minsitrisë së Brendshme dhe Drejtoria e Punëve të Brendshme në Komitetin Ekzekutiv të Brest Oblast.
“Personat e përcaktuar sot kanë dëmtuar popullin e Bjellorusisë përmes aktiviteteve të tyre përreth mashtrimeve në zgjedhjt presidenciale të 9 gushtit 2020 në Bjellorusi dhe shtypjen brutale të protestuesve, gazetarëve, anëtarëve të opozitës dhe shoqërisë civile,” thuhet në njoftim.
SHBA-ja i bashkohet në këtë mënyrë veprimeve të ndërrmarra nga partnerët si BE-ja, Kanadaja dhe Britania e Madhe kundër abuzimeve të regjimit të Llukashenkos “përfshirë devijimin e detyruar të një fluturimi tregtar të Ryanair dhe arrestimin në vijim të Pratasevich dhe Sapega”.