Shtetasi turk Simsek kërkon në gjykatë shfuqizimin e refuzimit për azil në Shqipëri

Nga Exit News
Shtetasi turk Simsek kërkon në gjykatë shfuqizimin e refuzimit për azil në Shqipëri

Shtetasi turk Selami Sismek paditi Drejtorinë e Azilit dhe Komisionin për Azil për refuzimin e kërkesës së tij.

Në një dokument të bërë publik në media, Simsek kërkon shfuqizimin e vendimeve për refuzimin e azilin në Shqipëri.

Padia erdhi pas vendimit të Komisioni Kombëtar për Azilin dhe Refugjatët, i cili  rrëzoi më 10 shtator ankimin e shtetasit turk Selami Simsek për refuzimin e azilit në Shqipëri.

Shtetasi turk, Selami Simsek apeloi pranë Komisionit vendimin e Drejtorisë së Azilit dhe Shtetësisë pranë Ministrisë së Brendshme, i cila refuzoi kërkesën e tij për azil në Shqipëri.

Në 2 korrik autoritetet shqiptare i refuzuan kërkesën për azil turkut Selami Simsek, mbështes i lëvizjes Gylen dhe në kërkim nga Turqia.

Refuzimi i kërkesës për azil do të thotë se Simseku duhet të esktradohet në Turqi – ku lëvizje gyleniste quhet ‘terroriste’ dhe mbështetësit e saj burgosen dhe keqtrajtohen.

Simsek u arrestua bashkë me turkun tjetër Harun Çelik, teksa po udhëtonin në aeroportin e Rinasit, tranzit për në Kanada me pasaporta false.

Çeliku u dënua me 5 muaj burg dhe pas shlyerjes së dënimit u dërgua në Turqi, pavarësisht se kishte kërkuar azil politik.

Adresa juaj e emailit nuk do bëhet publike.

Lajme te ngjashme